KARINA-E-ZINDAGI " -

SHAHZADI-E-ISLAM

" KARINA-E-ZINDAGI "

-

             *ARZ-E-MUSAN'NIF*
             
Qudrat ne har Nar ke liye mada aur har mada ke liye Nar Paida Farmaa kar bohat se Jodhe Aalam me banaye Aur har Ek ki Mashin par mukhtalif purzo ko is Andaz ke sath sajaya ke wo har Ek ki Fitrat ke Mutabik ek dusre ko Fayda Pohchane wale Aur zarurato ko pura krne wale hai..

Allah ﷻ ne Mard aur Aaurat ke Andar Ek Dusre ke zariye Sukoon hasil krne ki khashis rakhi hai.

Chunancha Mazhab Islam ne khashis ka Ahetram karte huwe hume Nikah karne ka Tarika Bataya take Insaan Jaiz tariko se sukoon hasil kare aur gunah'he kabira ka Martakib na bane..

Is Zamane me Aksar Mard Nikah ke bad Apni La-ilmi aur Sharai talimat se duri ke sabab tarha tarha ki galtiya karte hai aur Nuqsanat Udhate hai In Nuqsanat se isi waqt bacha ja sakta hai jab ke iske Mutalik sahi ilm ho...

Afsos is zamane me log kisi Aalime-deen ya fir Kisi jankar Shaks se Miya ,Biwi ke Khas talukaat ke mutalik puchne ya malumat hasil karne me hichkichate hai hala-ke deen ki baten aur is Taluq se malumat wa Sharai masail Malumat karne me koi sharm-w-hichkichahat Mahesoos nahi ki jani chahiye..

*Hamara Rabbul-Izzat Irshad Frmata hai*

Ton Aye logo ilm walo se Pucho agar tumhe ilm na ho.

*_{📖Tarjuma kanzil-Imaan-Para 17 Surahe Anbiya-Rukoo-1,Aayat 7}_*

Hamare payare Aaqa ﷺ farmate hai Ilm(Deen)hasil krna har Musalman Mard aur Aurat par Farz hai..

*(📖kimiyae shadat-safa-127)*

*_(📖Mashkawat-Shreef- jild 1,hadis no 206,safa 68)_*

Aksar dekha gaya hai ke log Miya,Biwi ke darmiyan hone wali khas chizon ke bare me poochne me Sharm-wa-haya Mehsoos krte hai aur Use Behuda pan wa behayai Samjhte hai...

*Mohtarm bhaiyo & behno*:- 

Sharai rohsni me Adab ko malhuz khatir rakhte huwe Aesi bato ki Malumat hasil krna aur use bayan karna behad zururi hai aur us me yaqinan kisi kism ki be sharmi wa-be-hudapan hargiz nhi dekhiye QURAN ME.. 

*_📖Hamara Allah ﷻ Kya Irshad Frmata hai Tarjuma:-kanzil iman-para 22,,Surah Ahzab,,Ruku 7,Aayat 53._*

Aur Allah haq Farmane mai nhi Sharmata..

Hadis me Maujood hai ke Huzoor ﷺ ke zahiri zamane me Aurte bhi Ajdawazi zindagi me Aane wale khas masail ke bare me Nabi ﷺ se Sawal poocha krti thi....

chunache Hazrate Aayesha Seediqa رضى الله عنها Irshad Frmati hai Ansari(Madine munauwaraki) Aurte kya khoob hai ke unhe deen samjhne me haya man'na nhi hoti (Yani wo deeni baten maloom karne me nhi sharmati)

*_📖Bukhari sharif-Jald,1 baab no 92,S,150_*

*_📖Abn maja-Jild 1 ,Hadis no 680 safa 202_*

                      *بسم الله الرحمن الرحيم*

             【 ¶ NIKAH KA BAYAN ● 】

*Aayat:-* ALLAH ﷻ Irshad Farmata hai : Tu Nikah me Lao jo Tumhe Khush Aaye..

*(📖Tarjuma:- Kanzil Iman-Para 4 surah Alnaas Ruku 12,Aayat 3)*

*Hadis:-* huzoor ﷺ Ne Irshad Farmaya Nikah Meri Sunnat hai.

*(📖Ibne Maza-Jild, Bab, No 589, Hadis, No 1913, Safa, No 518)*

*Hadis :-* Hazrat Anas رضى الله تعلا عنه Se Raawi K HUZUR E AQDASصلى الله عليه وسلم Farmate Hai Jo KHUDA Se Paak Aur Saaf Ho kar Milna Chahe'n Wo wah Aazad Aurato'n Se Nikah Kare.

*(📖 Ibne Maza Sharif )*

*Hadis:-* Huzoor ﷺ Farmate hai  Bande ne Jab NikH Kar liya To Aadha Deen Mukammal ho Jata hai, Ab Baki Adhe ke liye ALLAH ta'ala  se Dare.

*(📖Mishkawat sharif:-Jald, 2 Hadis No 2962, safa No 72)*

*Hadis:-* Jaabir رضي الله تعالا عنه Se Raawi K Farmate Haiñ Jab Tum Me Koi Nikaah Karta Hai To Saitaan Kahta Hai Haaye  Afsos ...

Ibne Aadam Ne Mujhse Apne  Do Tihaayi  Deen Bacha Liya.. 

*( 📖 abu Ya'ala )*

*Hadis:-* Abdullah Bin Mas'ud رضي الله عنه Se Raawi RASOOLALLAH صلى الله عليه و سلم Ne Farmaya Aey Jawaano Tum Me Jo Koi Nikah Ki Istita'at Rakhta Hai Wah Nikah Kare K Ye Ajnabi Aurat Ki Taraf Nazar Karne Se Nigah Ko Rokne Wala Hai Aur Sharmgah Ki Hifazat Karne Wala Hai Aur Jisme Nikah Ki Istita'at Nahi Wah Roze Rakhe K Roze Qata E Shawat ( sexi khwahish Ko katne wale )Hai !

*(📖Bukhari Sharif-Jald, 3, Hadis No 59, Safa 52-)*

 *(📖Tirmizi-Sharif- Jald1, Hadis 1068, safa 355)*

*MASAIL E FIQHIYA*

Nikaah Us Aqd Ko Kahte Haiñ Jo Is Liye Muqarrar Kiya Gaya K Mard Ko Aurat Se Jima ( Sex ) Wagairah Halal Ho Jaye.

*Mas'ala*

Khunsa Mushkal Yaani Jisme Mard , Aurat Donoñ Ki Alaamataiñ Payi Jaayeñ Aur Ye Saabit Na Ho K Mard Hai Ya Aurat Usse Na Mard Ka Nikaah Ho Sakta Hai Na Aurat Ka Agar ( Nikaah ) Kiya Gaya To Baatil ( Nahi Huwa ) Hai 

Haañ Baad E Nikaah Agar Us Ka Aurat Hona Muta'ayyan Ho Jaye(Thahar Jaaye ) Aur Nikaah Mard Se Huwa Hai To Sahi Hai Yuñhi Agar Aurat Se Nikaah Huwa Aur Uska Mard Hona Qaraar Paa gaya ( Thahra ) - 

Khunsa Mushkal Ka Nikaah Khunsa Mushkal Se Bhi  Nahi Ho Sakta Magar Usi Soorat Me K 

Ek Ka Mard Hona Dusre Ka Aurat HONA Mutahaqqaq ( dalil k sath  sabit )Ho jaaye..

                    【● *Nikaah K Ahkaam* 】●

*Mas'ala*

Mard Ka Pari Se Ya Aurat Ka Jinn Se Nikah Nahi Ho Sakta.

《 *Durre Mukhtaar , Raddul Muhtaar* 】

*Mas'ala*

Ye Jo Awaam Me Mashhoor Hai Ki "BinManas"Aadmi Ki Shakl Ka Ek Janwar Hota Hai Agar Waqayi Haiiii

To US Se Bhi Nikaah Nahi Ho Sakta K Woh Insaan Nahi -

Jaise Paani Ka Insaan K Dekhne Se Bilkul Insaan Maloom Hota Hai Aur Haqiqatan Woh Insaan Nahi.

*Mas'ala*

I'tiadaal Ki Haalat Me Yaani Na Shahwat( Sex ) Ka Bahot Zayada Galba Ho Naa Hii *Unain* ( na mard ) Ho Aur Mahar Wa Nafqa Par Qudrat bhi Ho  ( Biwi Bacho ka  zaroori Kharch Ki taqat Ho )  To Nikaah Sunnat E Mu'akkidah Hai K Nikaah Na Karne Par Adaa Rahna Gunaah Hai Aur Agar Haraam Se Bachna Ya Ittiba E Sunnat  Wa Ta'ameel E Hukm ( ALLAH K Hukm Par Amal karna ) Ya Aulaad Haasil Hona Maqsood Hai To Sawaab Bhi Payega Aur Agar  Mahaz Lazzat ( Sirf Lazzat ) Ya Kaza E Shahwat ( Sexi khwahish  Poori karna )  Manzoor Ho To Sawaab Nahi.

*Mas'ala*

Shahwat Ka Galba Hai K Nikaah Na Kare To MA'AZALLAH Zina Ka Andesha Hai Aur Mahar Wa Nafqa ( Biwi Bacho ka Kharch ) Ki Qudrat ( Taqat ) Rakhta Ho To Nikaah Wajib Hai 

Yunhi Jab ke Ajnabi Aurat Ki Taraf Nigaah Uthne Se Rok Nahi Sakta Ya MA'AZALLAH Haath Se Kaam Lena Padega To Nikaah Wajib Hai. 

《 *Durre Mukhtaar , Raddul Muhtaar  safa 283 , 282* 》

*Mas'ala*

Yaqeen Ho K Nikaah Na Karne Me Zina ( Badkari ) Waaqe'y Ho Jayega To Farz Hai K Nikaah Kare.

*Mas'ala*

Agar Ye Andesha Hai K Nikaah Karega To Naan Nafqa ( Biwi Bacho ka Zaroori Kharch ) Na De Sakega Ya Jo Zaroori Baateñ Haiñ Un Ko Poora Na Kar Sakega To Makrooh Hai Aur In Baatoñ Ka Yaqeen HO To Nikaah Karna Haraam Magar Nikaah ( Karega To ) Bahar Haal Ho Jayega.

《 *Durre Mukhtaar , safa , 282* 》

*Mas'ala*

Nikaah Aur Us K Huqooq Ada Karne Me Aur Aulaad Ki Tarbiyat Me Mashgul Rahna Nawafil Me Mashgul Se Bahtar Hai. 

《 *Raddul Muhtaat , Safa 281* 》 

                 【*●Nikaah K Mustahabbat●*】

*Mas'ala*

Nikaah Me Ye Umoor ( Kaam ) Muatahab Haiñ.

1 ] Nikaah Ayelaniya Hona. 

2 ] Nikaah Se Pahle Khutba Padhna.

Koi sa Khutba ho Aur Bahtar Woh Hai Jo Hadees Me Waarid Huwa.

3 ] Masjid Me Hona.

4 ] Jumu'a K Din.

5 ] Gawahan E Aadil K Saamne.

6 ] Aurat Umar , Hasbe Maal , Izzat Me Mard Se Kam Ho.

7 ] Aur Chal Chalan Aur Akhlaaq Wa Taqwa Wa Jamal Me Besh ( zyada ) Ho.

Hadees Me Hai K Jo Kisi Aurat Se Ba'wajah Us Ki Izzat K Nikaah Kare ( Uski Izzat Ki wajah Se ) ALLAH Us Ki Zillat Me Zyadati Karega - 

Aur Jo Kisi Aurat Se Us K Maal K Sabab Nikaah Karega ALLAH TA'ALA Uski Mohtaaji Hi Badhayega - 

Aur Jo Us K Hasab ( Khandan ) K Sabab Nikah Karega To Us K Kamina Pan Me Jiyadati Farmayega -

Aur Jo Isliye Nikaah Kare K Idhar Udhar Nigaah Na Uthe Aur Paak Damani Haasil Ho Ya Silah Rahmi ( Rishtedaar Se Acha Suluk )  Kare To ALLAH عزّ و جلّ Is Mard K Liye Us Aurat Me  Barkat Dega Aur Aurat K Liye Mard Me.

*Mas'ala*

Jisse Nikaah Karna Ho Use Kisi Mo'tabar Aurat Ko Bhej Kar Dikhwa Le  Aur Aadat Wa Itwaar ( Dhang ) Wa saleeqa  Wagaira Ki Khoob Jañch Kar Le K Aainda Kharabiya Na Padheñ Kuwari Aurat Se Ya Jisse Aulaad Zyaada Hone Ki Ummid Ho Nikaah Karna Bahtar Hai - 

Sin Rashida ( Budhi Aurat ) Aur Bad'khulq  ( Bad' Mijaz , Akhkar , Bude Akhlak Wali ) Aur Zaaniya ( Zinakaar , Faahisha )  Se Nikaah Na Karna Bahtar Hai .

*Mas'ala*

Aurat Ko Chahiye K Mard Dindaar  Khush'Khulq ( Achchi Khaslat wala ,khaleeq - Achchi Aadat wala  )  Maldaar Sakhi Se Nikaah Kare Faasiq Badkaar Se Nahi.

Aur Ye Bhi Na Chahiye Ki Koi Apni Jawan Ladki Ka Budhe Se Nikaah Karde .

《 *Raddul Muhtaar , Safa 284* 》

" *Ye Mustahabbat E Nikaah Bayan Huwe Agar Iske Khilaaf Nikaah Hoga Jab bhi Ho Jayega* "

*◆NIKAK KIN LOGO SE NA-JAIZ HAI●*
             
Duniya Me Insaan ke Wajood ko baki Rakhne ke liye QANOON e Khuda ke Mutabiq Do Mukhalif Jans ka Aapas me Milna Zaruri hai,Lekin Isi QANOON ke Mutabiq kuch Aese bhi Insaan hote hai Jin ka Jansi Taur par Aapas me Milna QANOON e Khuda ke Khilaf hai.

*●Aayat:- Chunancha Allah ﷻ Irshad Farmata hai-*

Haram hui Tum par Tumhari Maaye aur Betiya aur Bahene aur Fufiya aur Khalaye aur Bhatijiya aur Bhanjiya aur Tumhari Maaye Jinho ne Dood Pilaya aur Dood ki Bahene aur (Tumhari) Aurto ki Maaye..

*(📖Tarjuma:-Kanzul Imaan-Par 4, Surah Al'nisa, Ruku 15, Aayat 23)*

Quraan e kreem Ki is Aayat kreema se Malum huwa ke Maa, Beti, Bahen, Fufi, Khala, Bhatiji, Bhanji, Dadi, Nani, Poti, Nawasi, Sagi Saas, Wagaera se Nikha krna Haram hai..

*Maslah:-* Maa sagi ho ya Sauteli, Beti Sagi ho ya sauteli, Bahen Sagi ho ya sauteli, In Tamam Se Nikah Haram hai..

Isi Tarha Dadi, par Dadi, Nani, Par Nani, Poti, Par Poti, Nawasi, Par Nawasi, Bich me Chahe kitni hi Pushto ka Faslah ho in Sab se Nikah krna Haram hai..

*Maslah:-* Fufi, Fufi ki Fufi-Khala, Khala ki Khala -Bhatiji, Bhanji, aur Bhanji ki Ladki ya Uski Nawasi ya Poti in Tamam se Nikah Haram hai..

*Maslah:-* Zina Se Paida hui Beti iski Nawasi, Iski Poti in Tamam se Nikah karna Haram hai..

*📖Bahare Shariyat-Jild, Hissa NO 7, Safa 14*
*📖Qanoon e Shariyat- Jild 2, Safa NO 47*

*Hadis:-* Hazrat Abbu Huraira رضی الله عنہ  Se Riwayat hai Ke Saiyad e Aalam ﷺ ne Irshad Farmaya Koi shaks Apni Biwi ke Sath uski Bhatiji Ya Bhanji se Nikah Na kare'

*(📖Muslim sharif-Jild safa NO 452)*
*(📖Bukhari sharif-Jild 3,Bab NO 57,Hadis NO 98, Safa NO 66)*

*Maslah:-* Aurat (Biwi) ki Bahen, Chahe Sagi ho ya Razai (Yani dood sharik),Ho Biwi ki khala Fufi, Chahe sagi ya Razai, in sab se Bhi Biwi ki Maujudgi me Nikah haram hai

Agr Biwi Talaq de di ho to Jab tak Aurat ki Iddat Khatam na ho is ki Bahen, Fufi, Khala, Wagera se Nikah Nhi kar sakta..

*(📖Kanoon-E-Shariyat-Jild 2, Safs NO 48)*

*Hadis:-* Hazrat Abdullah Bint e Abbas رضی الله عنہ  Se Imaam Bukhari رضی الله عنہ  Riwayat krte hai ke 
Char se ziyada Biwiya isi Tarha Haram hai jese Aadmi ki Apni Beti aur Bahen '

*(📖Bukhari sharif-Jild 3, baap NO 54, Safa NO 64)*

*Mas-Ala:-* Jis Me Mard aur Aurat dono ki Alamate Pai Jaye aur Ye Sabit na ho ke Mard hai ya Aurat To Usse Na Mard Ka Nikah ho sakta hai Na hi Aurat ka..

Agar kiya gaya To Mahez-Batil hai.

(Yani Nikah hi na hoga)

*(📖Bahare Shariyat- Jild, Hissa NO 7, Safa 6)*

Aesa Shaks Jo Sharabi ho Ya aur Kisi Tarha ka Nasha krta ho us se bhi Rishta nhi krna chahiye..

*Hadis:-* Huzur-E-Akram ﷺ Irshad Farmate hai ke Sharabi ke Nikah me Apne Ladki Na do-Sharabi Bimaar Pade To Use dekhne Na Jao us Zaat ki Kasam Jis ne Mujhe "Nabi" bar haq bana kar Bheja Sharab Pine wale par Tamam Aasmani Kitabo me Lanat Aai hai..
*(📖Tanbiya-Algafilin- safa 162)*

*Hadis:-* Hazrat Imam Abbu Alees Samar Qazi رضی الله عنہ  Apni Sand ke Sath Apni Tasnif Lateef "Tanbiya-Algafelin" me Riwayat krte hai ke Baz sahaba e kiram se Riwayat hai ke Jis ne Apni Beti ka Nikah Sharabi Mard se kiya To us Ne Use Zina ke Liye Rukhsat kiya-

Matlab ye ke Sharabi Aadmi Nashe me Aksar Talaq ka Zikr karta hai Jis se Uski Biwi Us par Haram ho jati hai..
*(📖Tanbiya-Algafilin-safa NO 169)*

Kafir wa Mishrik Mard se Musalman Mard Ya Aurat ka Nikah karna haram hai "

Allah ﷻ Irshad Farmata hai.

*AYAT :-* Aur Mushriko ke Nikah me na do Jab Tak wo Iman na Lale..
*(📖Tarjuma Kanzul Iman- para 2, surah baqra, Ruku 11, Aayat 221)*

*Maslah:-* Musalman Aurat Ka Nikah Musalman Mard ke siwa kisi Mazhab wale se nhi ho sakta.
*(📖Qanoone shariyat- jild 2, safa 49)*

Allah ﷻ Irshad Farmata hai"

*AYAT:-* Aur Shreek wali Aurto se Nikah na karo Jab Tak Musalman na hojaye.
*(📖Tarjuma:-kanzul iman- para 2, surah baqr, ruku 11, Aayat 221)*

*Maslah:-* Musalman Mard ka Majusi (Aag ki puja karne wali ), Bud parst, Suraj Pujne Wali Sitaro ko pujne wali, In Tamam me se kisi bhi Aurat se Nikah nhi hoga..
*(Bahare shariyat-Jild hissa NO 7, safa NO 17)*

Aaj Kal ke is Daur me Aksar Hamare Muslim Nau-Jawan kafira wa Mashrika Aurto Se Nikah karte hai aur Nikha ke baad unhe Musalman banate hai Ye Nehayat hi galat Tarika hai aur Shariyat Me Haram hai

Awal to Nikah hi Nhi hota chunache Nikah ke waqt Tak Ladki kufr par qayam thi lehaza Nikah hi nhi huwa Phle use Musalman kiya jaye Fir Nikah kiya jaye..

Yaad Rakhiye ! Kafir wa Mashrik Aurton se Musalman kar ke Nikah karna Na-Jaiz To hai lekin ye koi Farz ya Wajib Nhi Balke baaz Riwayato ke Mutabiq.

Huzur ﷺ Ne Ise Pasand bhi nhi Farmaya ' iski bohat si Wajohaat ULMA-E-KIRAM ne Bayan Farmai hai, Jin me se Chand ye hai..

1)- Jis Nau'Muslim Aurat  se Aap ne Shadi ki Agar che Wo Musalman hogai lekin iske Sare Maike wale Kafir hai aur Ab Chu'ke wo aap ke Rishte-daar ban-chuke hai..is liye aap ki Aurat aur Khud Aap ko in se Taluqaat rakhne Padte hai aur Fir Aage chal kar Mukhtalif Buraiya Janam leti hai, Aur Naye Iktelafat Paida hote hai..

2)- Aurat ke Nau-Muslim hone ki waja se Aaulado ki Tarbiyat Khals Islami Dhang se nhi ho pati hai..

3)- Agar Musalman Mard Kafir Ladkiyo se Nikah karege To Kuwari Muslim Ladkiyo ki Tadad me Izafa hoga Muslim Ladko ki Killat hone lagegi aur Muslim Ladkiyo ko badi UMAR Tak Kuwara Rahena padega aur Ziyada UMAR Tak kuwari zindagi Naye-Naye buraiyo ke Janam ka sabab banegi.

4)- Deen-E-Islam me Mushrikana Rasmo ka Rivaj badhega...

Is tarha ki Senkdho Baten hai Jinhe Yaha Bayan karna Mumkin nhi Hasil ye ke Kafir wa Mashrika Ladki ya Aurat se Nikah na kare yahi behtar hai,is se Deen wa Duniya ka bada Nuksan hai isi liye ALLAH ﷻ ne Jaha Mashrik Aurto ko Musalaman kar ke Nikah ki Ijazat di wahi Momin Londi Se Nikah ko Ziyada Behtar Bataya ba'Nisbat iske ke Mushrika wa kafir Aurat se Nikah kiya jaye..

Aksar Musalman Ladke Gair Muslim Ladki se Mohabbat karte hai Musalman Ladke se Phle Mohabbat aur Shadi karne wali Ladkiya Aksar sath Nhi nibhati hai Aur Zara si An'Ban ho jane par Hindu, Muslim ,, Tafriq ka Bhakheda khada karne ki Koshish karti hai..

Lekin..Jo Aurat ya Ladki Phle Islam se Mutasir hui use Pyar o Mohabbat ya Shadi ki koi Lalach nhi thi Aur use Deen islam par qayam huwe Ek Arsa guzar gaya..Aesi Ladki ya Aurat se Zurur Nikah kar lena Chahiye Take islam Qubool karne par Kuwargi ki Saza ka Tana use Gaer Muslim Na De..

*●Kya WahabiYo Se Nikah Kare ?*
             
Wahabiyo se Nikah karne ke Mutaliq  Aala-Hazrat Imam Ahmad Raza khan رحمةاللّٰه عليه Apni Malfuzat me irshad Farmate hai...

,,Sunni Mard ya Aurat ka Rafzi, Wahabi, Dewbandi, Nichri, Qaadyani, Chakdalui Jitne Jumla Mar-Tazin hai in Ke Mard ya Aurat se Nikha nhi hoga"Agar Nikah kiya to Nikah na ho kar Zina Khlas hoga"Aur Aulad (Zina se Payda Shuda Kahlayegi) .

*( Fatwa Aalam'gire )*
*(Almalfuz-Jild 2, Safa NO 105)*

Aksar hamare Kuch Kam Aqal Na-Samjh Sunni Musalman Jinhe Deen ki Malumat wa Imaan ki Ahmiyat Maloom nhi hoti wo Wahabiyo Se Aapas me Rishte Jodte hai'Kuch Badnaseeb sab kuch Janne ke Ba wajood bhi Wahabiyo se Aapas me Rishta qayam karte hai"Kuch Sunni Hazraat Khayal karte hai ke Wahabi Aqide ki Ladki Apne Ghar Biha kar Le-Aao Fir Hamare Mahol Me Rahe kar Khud-ba-Khud Sunni ho jaegi ?

Aawal To Nikah hi nhi  hota Q-ke Jis waqt Nikah huwa us waqt Ladka Sunni aur Ladki Wahabi Aqide par Kayam thi..Lehaza Sare se Nikah nhi huwa Saekdho jaga To ye Dekha-gaya hai ke kisi Sunni ne Wahabi Gharane me Ye Soch Kar Rishta kiya ke Hm kisi Tarha Samjha Bujha kar Aur Apne Mahol me Rakh kar Unhe Wahabi se Sunni Banadege...

,,,Lekin,,,Wo Samjh kar Sunni Bana Pate is se phle hi in Wahabi Rishtedaro ne Unhe hi Kuch ziyada Samjha diya Aur Apna Hm khayal Bata kar Maaz Allah ! Sunni se Wahabi Bana dala..

Sari Hoshiyari dhari ki dhari Rahe-gai aur Deen wa Duniya Dono hi barbad hogaye Ye baat hamesha yaad Rakhiye ke Ayse Shaksh ko Samjhaya Ja Sakta hai Jo Wahabiyo ke Bare me Haqiqat se Waqif nhi Rakhta..

Lekin Ayse Shaks ko Samjha pana Mumkin nhi Jo sab kuch Janta aur Samjhta hai.

ULMAYE Dewband (Wahabi) ne Huzur-E-Akram ﷺ , Anbiya-E-Kram , Buzurgane Deen ki Shan Aqdas me Gustakhiyo ko Samjhta hai in ki Kitabo me Wo Sab Gustakhana Ibarat ko Padhta hai Lekin un Sab ke Bawajud yahi kehte hai ke ye ( Wahabi ) To Bade Achche Log hai Unhe bura nhi kehna chahiye Ayse Logo ko Samjha'pana Hamare bas me nhi..

Allah ﷻ Aese hi Logo ke Mutaliq Irshad Farmata hai

AYAT :- Allah ne In ke Dilo Par Aur Kano par Mohar kardi Aur in ki Ankho Par Ghata Thop hai aur in ke liye Bada Azaab ..

*📖Kanzil Iman-para 1, Surah bakar, Ruku 1 Aayat 7)*

Lehaza Zaruri hai ke Aese Logo se Jin ke Dilo par Allah Ne Mohar Lagadi ho in se Rishta Kayam na kiya jaye Warna Shadi, Shadi na ho kar Mahez Zina'Kari Rahe jayegi..

*Alhamdolilah*! Aaj Duniya me Sunni Ladko Aur Ladkiyo ki Koi kami nhi, Aur inshallah Allah Qayamat tak Ahle-Sunnat Badi Tadaat me Shan wa Shaukat ke Sath qayam rahege..

*Hadis:-* Hazrat Abdullah bin Umar رضی الله عنہ  se Rivayat hai ke 

HUZOOR ﷺ ne Gaib ki Khabar dete huwe Irshad Farmaya

Beshak Qaum bani ! Israil 72 Bahatar Firko me bat'gai Aur Meri Ummat 73 Tehattar Firko me bat'gai Sab ke sab Jahannami hoge Sirf Ek Firka Jannati hoga Sahaba-E-Kiram ne Arz Kiya Ya Rasullah Allah ! Wo Jannati Firka konsa hoga ? Sarka ﷺ ne irshad Farmaya Jo Mere aur Mere Sahaba ke Aqide par hoga..

*(📖Titmizi sharif- Jild 2, Bab NO 216, Abwab Al-iman, Hadis NO 537, safa NO 225)*

*Alhamdolilah:-* Beshak wo Janati Firka Ahle-Sunnat Wal'jamat ke Siwa koi nhi Q ke Hm Sunni ALLAH ﷻ Huzur-Akram- ﷺ ke Martab wa Azmat ke aur Sahaba-E-Kram wa Buzurgane Deen ki Shan wa Azmat ke Dilo se Manne wale hai .

Alhamdolilah ! Hm un hi ke Aqido par wayam hai Hm Sunniyo ka Aqida hai ke ye Tamam Firke Maslan..Rawafaz, Wahabi, Tabligi, Dewbandi, Maududi, Nichree, Chakdhalu, Kadiyani Wagera sab ke sab Gumrah badeen, Kafir Murtad, deen Islam se Fire huwe munafiqin hai..

Aaj Ziyada tar log Sunni, wahabi ke is Ikhtelaf ko Chand Molviyo ka jhagda samjhte hai ya fir Fatiha, Urs, Milad, wa Niyaz ka jhagda samjhte hai Yaqinan unki bohat badi galat Faimi hai Khuda ki kasam Hm sunniyo ka Wahabiyo se Sirf Unhi bato par Ikhtelaf nhi hai..

balke Hm Ahle-Sunnat ka Wahabiyo se Sirf aur Sirf is baat pr buniyadi ikhtelaf hai ke un Wahabiyo ke ULMA-WA-Peswao ne Apni Kitabo aur Tahereero me Allah-Rabbul-izzat wa Huzur E Akram ﷺ Aur Ambiya-E-Kram, Sahab-E-Kram wa Buzurgane Deen ki shane Aqdas me Gustakhiya Likhi aur un ki shan wa Azmat ka Mazak Udhaya aur Maujuda Wahabi Ayse hi Jahil ULMA ko Apna Buzurg wa Peshwa Mante hai aur Unhi ki Talimat wa Aqida batlate ke Duniya bhar me Faelate Firte hai Ya kam unhe Musalman Samjhte hai..

Humara Allah ﷻ Irshad Farmata hai,,,

*AYAT :-* Jis din Hm har Jama'at ko un ke Imam (Peshwa) ke Sath bulaege..

*(Tarjuma-Kanzul iman-para 15, surah bani israil, Ruku 8 , Ayat 71)*

Ab Hm aap ke Samne in Logo ke Aqida unhi ki Kitabo se Pesh karhe hai Jise padh kr aap khud hi Faisla kijiye ke Aesi Baten kahne wale Log Musalman Kehlane ka Haq Rakhte hai ?

 Kiya Ye Musalman Kehlane ke Layaq hai ya nhi ?  faisla Ab aap ka*

         *●Kya Ye wahabi Musalman hai*

Hindustan me Wahabi Jama'at ki Buniyad Rakhne wale Aalim Maulwi ismail Dahelvi Apni Kitab , Ba-Nam,,Taqwatul Iman,,Jo ba-qaul Wahabiyo ke Hindustan me Quraan Sharif ke Baad sab se Ziyada Padhi Jane-wali Kitaab hai..is me likhte hai..

1)-Jo koi ( kisi buzurg ki) Niyaz kare , kisi buzurg ko Allah ki Bargah me Sifarish karne wala Samjhe To ye Shreek hai aur Wo Shaks aur Abu-Jahel Shreek me Barab hai..

*(👹Taqwatul Eman-Safs 20, Matbuwa:-Alsafiya 68, Ae Hazrat tirees, Hafizudeen Rod Baikal'la Mumbai 80000*

2)-Yaqin Jan-lena Chahiye ke har Maklooq Khaw Choti ho ya badhi Allah ki Shan ke Aage Chamar se bhi ziyada Zalil hai..

*(👹Taqwatul-Eman-Safa 30)*

3)-Duniya me Sab Gunhegaro ne Gunha kiye hai..Jaise Firaun, Haman, Shaitan..Jitne Gunha in sab Gunhegaro se huwe hai agar koi Aadmi Tamam Duniya ke Gunhagaro ke barabar Gunha kare Lekin Shreek se Paak ho to Jitne Uske Gunha hai Allah Ta'ala is par Itni hi Bakshish krega..

*( 👹Taqwatul Eman-safa No 37)*

4)-Allah ke Makr (Makkari) se Darna chahiye ke baz waqt banda Shreek me Pada hota aur Buto se Murade Mangta hai Allah is ke Bahlane ke liye iski Murade Puri krta hai..

5)-Tamam Ambiya Allah ke be'bas bande hai..Aur Hamare Bhai hai..Allah ne Unhe Badhai di is liye wo hamare bade bhai hai..

*( 👹Taqwatul Eman-safa 99)*

6)-Huzur-E-Akram ﷻ Mar-kar mitti me mil gaye..

*(👹Taqwatul Eman-safa 100)*

*Mazallah*

TALIB-E-DUA

SHAHZADI-E-ISLAM

SAYYEDA SAHEBA.........